Maxaa kala qabsadday Wax-garad iyo Wax-matare! Dood gaaban
Qore: Xasan Yuusuf Waal
Waa dood ka turjumeeysa afkaarta la isweydaarsado sebenkaan jahliga iyo jahwareerka ee Soomaaliddu ku jirto. Alle mahadii, bulshadii wey bislaatay. Wax-garadkii wuu baraarugay. Beesha caalamkana wey soo gurmatay.
Wax- matare: Wax-garad, markii xaajo xumeeyd xagee jirtay?
Wax-garad: Sahan iyo socod dheer kabacdi, saakaan soo dhacay.
Wax-matare: Reerkaa degay, durdurkaa iyo doogaa cagaaran
in aad dul is taagtid oo aad durbaan garaacdid
ma dowbaa?
Wax-garad: Wax-matare, tan tii Alleey ku timiddee, la’maadan
tiigsan taag iyo talo taa ah.
tiigsan taag iyo talo taa ah.
Wax-matare: War aan kusiiyo iyo weedh waadaxa.
Faan rag camalkiis maa hee,
hiil iyo wax-hurid waa ii hido.
Halyeey hashiisna looma hawoodo.
Waa gaduuto, waxaan wajahaa weerar iyo
wiilashaas warmaha watee.
Wadna waan u simanahay iyo wadaddii siraad.
Nin ba cayn loo saaryee, cadee codkaaga.
Wax-garad: Waxay ila tahay iyo inta aanan talo kutaabsiin
aan kuu tuurgooyo wax reer Tunweyne ku tashadeen.
aan kuu tuurgooyo wax reer Tunweyne ku tashadeen.
In laba la isuqaybiyoo, bar abaadhto baladka iyo
bucsharo, barbaatuna buuga qaadato,
bucsharo, barbaatuna buuga qaadato,
baaqigana bilaa dhib beeraha fashaan.
Wax-matare: Balaayo aan reer Tunweyne ahayn baladka ma taal.
Wax-garad: Inta aan tolbeelay lahaynbaa, dadkii kale tanaadeen.
Buunka aan qaato, dadkeyga waan u baqayaayee.
Dadkaygoow, aan ku dayano kuwa daddaala ee
darsa diin iyo maadi.
Ka doorbida dood, duulaan iyo dirir aan dhamaan.
Doona midnimo iyo inay isku dumaan dadkooda.
Dareema ee daryeela dan yarta iyo dadweynaha.
Danqada ee diida dulmi iyo dulinimo.
Ka digtoon dabar iyo dib udhac.
La dagaalama daneyste iyo dabadhilif.
Dugsada duqayda, nin doorka, dumarka iyo da’yarta.
Higsada duundheer iyo inay deggaan dayaxa.
Wax-matare: Dayax….la dagaalama danayste…..gaalo…
afkaa waa Afgaalo.
Wax-garad: Waraabeey iswaheshadaan, neef raxantii ka gaabiyay.
Xasan Yuusuf Waal
hassaneksaato@hotmail.com
Comments
Post a Comment